Qazaqstannyń agroónerkásibi ınvestıtsııa quıýǵa tıimdi salalardyń biri – vıtse-mınıstr

NUR-SULTAN. QazAqparat – Qazaqstannyń aýylsharýashylyq salasy – ınvestıtsııa quıýǵa eń tıimdi salalardyń biri. Bul týraly búgin elordada ótken Qazaqstan-Italııa bıznes-forýmynda QR Aýyl sharýashylyǵy vıtse-mınıstri Gúlmıra Isaeva aıtty, dep habarlaıdy QazAqparat tilshisi.

Vıtse-mınıstr elimizde agroónerkásip qarqyndy damyp kele jatqanyn aıta kele, aýyl sharýashylyǵy kásipkerlerdi tartý úshin tıimdi sala bolyp otyrǵanyn atap ótti.

«Geografııalyq ornalasýy, qazba baılyǵy jáne klımattyq jaǵdaıy turǵysynan Qazaqstandaǵy agroóndiris salasy – ınvestıtsııa quıýǵa eń tıimdi salalardyń biri. Elimizdegi jáne sheteldik ınvestorlardy tartý úshin jaǵdaı jasalyp jatyr. Bul – basym baǵyttardy sýbsıdııalaý, paıyzy az nesıe berý jáne taǵy da basqasy», - dedi Gúlmıra Isaeva.

Buǵan deıin Italııa memleketi Qazaqstan ekonomıkasyna qansha ınvestıtsııa salǵanyn jazǵan bolatynbyz.