Qazaqstannyń aeroutqyr kúshteri áskerine 10 jyl toldy
Y. Shildeniń 10-y. QazAqparat /Erbol Azanbek/ -Búgin Almaty mańyndaǵy № 53975 áskerı bóliminde Qazaqstannyń aeroutqyr kúshteri áskeriniń 10 jyldyǵyna arnalǵan merekelik shara ótedi.
Sharaǵa QR Qorǵanys mınıstrliginiń basshylary men Uly Otan soǵysynyń, Aýǵan soǵysy, Aeroutqyr kúshteriniń ardagerleri, elshilikterdiń áskerı attasheleri, Almaty qalasynyń ákimshiliginiń ókilderi qatysady.
Shara áskerı sapqa turýmen, Aeroutqyr kúshteri áskeriniń qolbasshysy Ádilbek Aldabergenovtyń mereke qurmetine arnalǵan buıryǵyn oqýdan bastalmaq. Merekelik shara barysynda barlaýshylar tobynyń áskerı kórsetilimderi, parashıýtten sekirýden Aeroutqyr kúshteri men Áýe qorǵanysy kúshteri arasynda sporttyq saıys, qara qoldaný arqyly jekpe-jek túrlerinen saıys ótkizildi.
Qazaqstannyń aeroutqyr kúshteri 2000 jyly shildeniń 6 kúni QR Prezıdentiniń jarlyǵymen qurylǵan bolatyn. Aeroutqyr kúshteriniń eń bıik jetistigi retinde «Qazbat» batalonynyń Iraktaǵy beıbitshilik kúshteri qatarynda 2003, 2008 jyldary áskerı mindet ótýin atap ótýge bolady. Óz mindetin óteý kezinde «Qazbat» sarbazdary Irak aýmaǵyn 4 mıllıon snarıad pen jarylǵysh zattardan tazartqan. Búginde Aeroutqyr kúshteri QR Qurlyq áskeriniń quramyna kiredi.
