Qazaqstannyń Aeroutqyr áskerleri sheberlikterin shyńdaýda (FOTO)

ASTANA. QazAqparat - Qazaqstannyń Aeroutqyr áskerleri ózderiniń kásibı sheberlikterin shyńdaýda, dep habarlaıdy QR Qorǵanys mınıstrliginiń baspasóz qyzmeti.

Parashıýtterdi tóseý jáne shoǵyrlaný, topografııalyq kartalardy qurý, alǵashqy medıtsınalyq kómek kórsetý, jaýyngerlik oq atýlar, kedergiler jolaǵy men hımııalyq jáne radıatsııalyq lastanýlarmen zaqymdalǵan aımaqty eńserý, taýlar jáne ózen arqyly júgirý, túngi reıdke shyǵý. Osylaısha, Qazaqstan Aeroutqyr áskerleriniń bólimsheleri ózderiniń jaýyngerlik sheberlikterin shyńdaýda. Praktıkalyq sabaqtar 35-shi desanttyq-shabýyldaý brıgadasynyń bazasynda ótti. Bir apta boıy qazaqstandyq desantshylar ózderiniń shynaıy jaýyngerlik múmkindikterin synady. Olar jedel den qoıý, kenetten týyndaıtyn oqý jáne jaýyngerlik tapsyrmalardy oryndaý úshin qajetti kásibı daǵdylaryn jetildirdi. Osy ýaqyt ishinde árbir jaýynger ártúrli jer boıynsha ondaǵan shaqyrym kúrdeli soqpaq joldardy eńserdi, shartty jaý tylyna shoǵyrlana otyryp tapsyrmany oryndady jáne óziniń kásibıligin dáleldedi.