Qazaqstannyń Aeroutqyr áskerleri 15 jyldyǵyn atap ótti (FOTO)
ASTANA. QazAqparat - Qazaqstannyń Aeroutqyr áskerleri 15 jyldyǵyn atap ótti. Osyǵan oraı arnaıy uıymdastyrylǵan merekelik sharada qarý-jaraq pen áskerı tehnıkanyń kórmesi, áskerı orkestrlerdiń defılesi, qoıan-qoltyq urys elementteri bar kórsetilimder, parashıýtten sekirý, ázirlengen kontserttik baǵdarlama kórsetildi.Bul týraly QR Qorǵanys mınıstrliginiń baspasóz qyzmetinen habarlady.
53975 áskerı bóliminde uıymdastyrylǵan merekelik is-sharaǵa QR Qorǵanys mınıstrligi men QR QK Qurlyq áskerleriniń ókilderi, elimizdiń Qarýly Kúshter ardagerleri keldi..
«Qazirgi Aeroutqyr áskerleriniń besigi 35-gvardııalyq desanttyq-shabýyldaý brıgadasy bolyp tabylady. Búginde óziniń jaýyngerlik ázirligin árqashan senimdi túrde dáleldeıtin bul ásker túrin maqtan ete alamyz. Barlyq áskerı qyzmetshilerge, sondaı-aq Aeroutqyr áskerleriniń damýyna zor úles qosqan ardagerlerge alǵysymydy bildirgim keledi», - dedi saltanatty rásimde QR QK AeUÁ qolbasshysy general-maıor Dáýlet Ospanov.
Qazaqstannyń Aeroutqyr áskerleri armııamyzdyń jaýyngerlik qabiletti jáne utqyr ásker tekteriniń biri. Olar daǵdarystyq ahýaldarda jaýyngerlik qoldaný úshin arnalǵan jáne qysqa merzimde aýqymy boıynsha ártúrli áskerı shıelenisterde jaýyngerlik tapsyrmalardy sheshýge qabiletti. Olardyń qurylý tarıhy «Qazaqstan Respýblıkasy Qarýly Kúshteriniń qurylymy týraly» 2000 jylǵy 6 shildede Prezıdenttiń Jarlyǵynan bastaldy. Onda 35-gvardııalyq desanttyq-shabýyldaý brıgadasynyń bazasynda QR QK Utqyr kúshteri qurylǵan bolatyn. Ózderiniń qazirgi ataýyn Aeroutqyr áskerleri 2013 jyldyń qyrkúıeginde aldy (Qorǵanys mınıstriniń dırektıvasy negizinde Utqyr kúshteri Aeroutqyr kúshteri bolyp aty ózgertildi). Búgingi kúni Aeroutqyr áskerleri Qazaqstan Qarýly Kúshteri Qurlyq áskerleriniń quramyna kiredi.
