Qazaqstannyń 9 jáne odan joǵary balldyq seısmıkalyq óte qaýipti aýdandarynda 1,6 mıllıon adam turyp jatyr

Bul týraly búgin QR Qurylys isteri jáne TKSh jónindegi agenttik uıymdastyrǵan «2011-2013 jyldarǵa arnalǵan QR aýmaǵyn uıymdastyrýdyń bas kestesin ázirleý barysy» týraly semınar-keńeste Qazaq seısmıkaǵa tózimdi qurylys pen sáýlet ǵylymı-zertteý jáne jobalaý-eksperımenttik ınstıtýty Astana fılıalynyń dırektory Turlybek Musabaev málim etti.

QR aýmaǵyn uıymdastyrýdyń bas kestesin keshendi ázirleýdiń bastapqy kezeńiniń qorytyndysyn tanystyrǵan ol: «Qazaqstannyń ońtústik, ońtústik-shyǵys jáne shyǵys aýmaqtarynyń aıtarlyqtaı basym bóligin, 450 sharshy shaqyrym aýmaǵyn 7 jáne odan da joǵary balldyq seısmıkalyq belsendiligi joǵary aımaq alyp jatyr. Bul aımaqtarda shamamen 7 mıllıon adam ómir súrýde. Sonymen qatar 9 jáne odan joǵary balldyq seısmıkalyq óte qaýipti aýdandarda 19 qala ornalasqan. Onyń ishinde Almaty qalasy da bar. Olarda 1,6 mıllıon adam turyp jatyr», - dedi.

Jalpy onyń aıtýynsha, elimizdiń aýmaqtyq damýynyń yqtımal vektorlaryn anyqtaý barysynda elder deńgeıindegi aýmaqtardy uıymdastyrýdyń álemdik tájirıbesine taldaý jasalǵan. Sonymen qatar onyń odan ári damý baǵyttaryn tańdaýǵa múmkindik beretin Qazaqstan aýmaǵyn uıymdastyrýdyń ishki erekshelikteri de zerdelengen.