Qazaqstannyń 9 óńirinde aýa raıyna baılanysty eskertý jarııalandy
NUR-SULTAN. QazAqparat – Qazaqstannyń 9 óńirinde aýa raıyna baılanysty eskertý jarııalandy, dep habarlaıdy QazAqparat.
«Qazgıdromet» RMK-nyń boljamyna qaraǵanda, 30 mamyr kúni Aqmola oblysynda kún 35 gradýsqa deıin ysıdy, keı jerlerinde naızaǵaı oınaıdy. Ońtústik-shyǵystan soǵatyn jel ońtústik-batysqa aýysady, kúshi keı jerlerde 15-20 m/s-qa jetedi.
Qaraǵandy oblysynyń keı jerlerinde 38 gradýs ystyq bolady. Jel shyǵystan ońtústik-batysqa aýysady, keı jerlerde kúshi 15-20 m/s bolady. Kúndiz 30 mamyrda keı jerlerde naızaǵaı oınaıdy.
Atyraý oblysynyń keı jerlerinde naızaǵaı oınaıdy. Kúndiz 37 gradýsqa deıin qatty ystyq bolyp, órt qaýpi saqtalady.
Batys qazaqstan oblysynda, Oralda naızaǵaı oınaıdy.
Aqtóbe oblysynyń keı jerlerinde naızaǵaı oınap, jeldiń baǵyty ońtústik-shyǵystan batysqa aýysady, kúndiz keı jerlerinde 15-20 m/s bolady. Oblystyń ońtústiginde kún 37 gradýsqa ysıdy.
Mańǵystaý oblysynyń keı jerlerinde naızaǵaı oınap, tuman túsedi. Kúndiz keı jerlerde 38-40 gradýs aptap ystyq bolady.
Qostanaı oblysynyń keı jerlerinde naızaǵaı oınap, kún 35 gradýsqa deıin ysıdy. Ońtústik-shyǵystan soǵatyn jel ońtústik-batysqa aýysady, kúshi kúndiz keı jerlerde 15-20 m/s jetedi.
Soltústik Qazaqstan oblysynyń keı jerlerinde kúndiz naızaǵaı oınaıdy. Túnde jáne tańerteń tuman túsedi. Ońtústik-shyǵystan jel soǵady, kúndiz keı jerlerde kúshi 15-20 m/s bolady.
Petropavlda kúndiz ońtústik- shyǵystan jel soǵady, ekpini 15-20 m/s bolady.
Jambyl oblysynda keı jerlerinde naızaǵaı oınap, burshaq jaýady. 29-31 mamyrda soltústik-shyǵystan jel soǵady, keı jerlerde ekpini 15-20 m/s bolady. Kún kúndiz 38 gradýsqa deıin ysıdy.
Tarazda naızaǵaı oınap, burshaq jaýady. Soltústik-shyǵystan jel soǵyp, naızaǵaı kezinde jeldiń jyldamdyǵy sekýndyna 15-20 metrge jetedi.
