Qazaqstannyń 9 qalasynda aýa sapasy nasharlaıdy
NUR-SULTAN. QazAqparat – 10 qańtar kúni Qazaqstannyń birneshe qalasynda aýa sapasy nasharlaıdy, dep habarlaıdy QazAqparat «Qazgıdromet» RMK baspasóz qyzmetine silteme jasap.
Kásiporyn taratqan málimetke sensek, 2020 jyldyń 10 qańtar kúni Nur-Sultan, Pavlodar, Qaraǵandy, Aqtóbe, Óskemen, Atyraý, Qyzylorda, Temirtaý jáne Balqash qalalarynda aýa sapasy nasharlaıdy, ıaǵnı aýa lastanady.
Qazaqstannyń ózge qalalaryndaǵy aýa sapasy birqalypty.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
