Qazaqstannyń 8 óńirinde kún buzylady

Aqmola oblysynda 29 qarasha kúni jaýyn-shashyn bolady. Keı jerlerde kúndiz qar jaýýy múmkin.  Burqasyn, keı jerlerde kóktaıǵaq bolýy yqtımal. Ońtústik-batystan soǵatyn jeldiń baǵyty soltústik-batysqa aýysyp, onyń kúshi túnde keı jerlerde 15-20 m/s, ekpini 25 m/s, keı jerlerde 30 m/s-ke jetedi dep boljanyp otyr. 30 qarashada túnde 15-20, keı jerlerde 25 gradýsqa deıin aıaz bolady.

Astana qalasynda qar jaýyp, burqasyn jáne kóktaıǵaq bolady. Ońtústik-batystan soǵatyn jeldiń baǵyty soltústik-batysqa aýysyp, onyń ekpini tańerteń jáne túnde 15-20 m/s,  keı ýaqyttarda 25 m/s bolýy múmkin. 30 qarasha túnde aýa temperatýrasy 15-17 gradýsqa deıin tómendeıdi.

Batys Qazaqstan oblysynda 29 qarasha kúni túnde aýa temperatýrasy 10-15, keı jerlerde 18 gradýsqa deıin az bolady.

Pavlodar oblysynda 29 qarasha kúndiz, 30 qarasha kúni burqasyn, keı jerlerde kóktaıǵaq bolady. Batystan, soltústik-batystan jel soǵyp, onyń kúshi 15-20 m/s, ekpini 25 m/s, kúndiz 29, keı jerlerde 30 m/s-ten asady dep boljam jasaldy.  30 qarasha túnde 15-20, keı jerlerde 25 gradýsqa deıin aıaz bolady.

Qaraǵandy oblysynda 30 qarasha kúni qar jaýady. 29-30 qarasha aralyǵynda burqasyn, kóktaıǵaq bolýy yqtımal. Ońtústik-batystan jel soǵyp, onyń kúshi 15-20 m/s, ekpini 25 m/s, keı jerlerde 30 m/s-ke deıin jetýi múmkin. 1 jeltoqsanda túnde aýa temperatýrasy 15-20, keı jerlerde 23-28 gradýs aıaz bolady.

Shyǵys Qazaqstan oblysynda 30 qarashada jaýyn-shashyn jaýady. Keı jerlerde burqasyn, kóktaıǵaq bolady. Ońtústik-batystan soǵatyn jel soltústik-batysqa aýysyp, onyń kúshi 15-20, ekpini 25 m/s, keı jerlerde 30 m/s-ke deıin jetedi. 1 jeltoqsanda túnde aýa temperatýrasy 15-20, keı jerlerde 23-28 gradýs aıaz bolady.

29 qarashada Aqtóbe oblysynyń keı jerlerinde kóktaıǵaq, jaıaý burqasyn bolady, soltústik-batystan, soltústikten soqqan jeldiń ekpini 18 m/s jetedi.

Mańǵystaý oblysy boıynsha keı jerlerde tuman kútiledi. Aqtaý qalasynda túnde jáne tańerteń tuman túsedi.