Qazaqstannyń 8 óńirinde aýa raıyna baılanysty eskertý jarııalandy

ASTANA. QazAqparat - Qazaqstannyń 8 óńirinde aýa raıyna baılanysty eskertý jarııalandy, dep habarlaıdy QazAqparat.

28 jeltoqsanda Atyraý oblysynyń basym bóligine tuman túsedi.

Túrkistan oblysynyń ońtústiginde, batysynda, taýly jáne taý bókterli aýdandaryna tuman túsýi múmkin. Ońtústik-shyǵystan ońtústik-batysqa aýysatyn jel soǵady, taý asýlarynda kúshi 15-20 m/s.

Kúndiz Batys Qazaqstan oblysynyń batysynda kóktaıǵaq, burqasyn bolady. Jel shyǵystan, ońtústik-shyǵystan soǵady, kúndiz oblystyń batysynda ekpini 15-20 m/s.

Mańǵystaý oblysynyń soltústiginde, ortalyǵyna tuman túsedi.

Qyzylorda oblysynyń ortalyǵynda, ońtústiginde kóktaıǵaq bolady.

Pavlodar oblysynyń soltústiginde, shyǵysynda tuman túsedi.

Abaı oblysynda, Semeı qalasynda jáne ShQO-da, Óskemen men Rıdder qalasynda ekinshi dárejeli qolaısyz meteorologııalyq jaǵdaı jarııalandy.