Qazaqstannyń 8 oblysynda jel kúsheıedi - 13 qazanǵa arnalǵan aýa raıy boljamy
ASTANA. 12 qazan. QazAqparat - Senbi kúni, 13 qazanda Qazaqstannyń basym aýmaǵynda antıtsıklonnyń yqpaly saqtalady, kún ashyq ári jyly bolady dep kútilýde, tek QR-nyń batysynda ǵana atmosferalyq aǵymdardyń ótýine baılanysty jańbyr, keıde nóserli jaýyn jaýyp, tuman túsip, jel kúsheıedi.
Bul týraly Qazgıdrometke silteme jasaı otyryp, QR TJM-niń baspasóz qyzmeti habarlady.
Jambyl, Mańǵystaý oblystarynda, kúndiz Atyraý, Batys Qazaqstan, Aqtóbe, Qostanaı, Qaraǵandy, Shyǵys Qazaqstan oblystarynyń birqatar aımaqtarynda 15-20 m/s jyldamdyqpen jel soǵady.
Qostanaı oblysynda túnde jáne tańerteń tuman túsedi dep kútilýde.
Respýblıkanyń ońtústik óńirlerinde, ońtústik-shyǵys, soltústik-batys jáne ortalyǵynyń keı aımaqtarynda órt bolý qaýpi saqtalady.
Aldaǵy 3 táýlikte Syrdarııa ózeninde sý deńgeıiniń aýytqýshylyǵy baıqalady.
