Qazaqstannyń 8 qalasynda aýa sapasy nasharlaıdy
NUR-SULTAN. QazAqparat – «Qazgıdromet» RMK Qazaqstan qalalaryndaǵy aýa sapasyna boljamyn jarııalady, dep habarlaıdy QazAqparat.
3 naýryzda Nur-sultan, Almaty, Aqtóbe, Balqash, Jezqazǵan, Qaraǵandy, Temirtaý jáne Shymkent qalalarynda qolaısyz meteorologııalyq jaǵdaılar kútiledi.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
