Qazaqstannyń 8 qalasynda aýa sapasy nasharlaıdy
ASTANA. QazAqparat - 5 jeltoqsan kúni Qazaqstannyń 8 qalasynda meteorologııalyq jaǵdaı jaısyz bolady, dep habarlaıdy QazAqparat «Qazgıdromet» RMK-ǵa silteme jasap.
Atap aıtqanda, Aqtaý, Aqtóbe, Atyraý, Qyzylorda, Kókshetaý, Taldyqorǵan, Óskemen, Oral qalalarynda meteorologııalyq jaǵdaı qolaısyz bolady. Atmosferada lastaýshy zattar shoǵyrlanýy yqtımal.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldimekenderdegi atmosferalyq aýanyń sapasy nasharlaýy yqtımal.
