Qazaqstannyń 7 óńirinde joldar jabylyp, kólik qozǵalysy shekteldi
ASTANA. QazAqparat - Búgin keshke qaraı Qazaqstannyń 7 óńirinde avtokólik qozǵalysy shekteldi, dep habarlaıdy QazAqparat.
Shyǵys Qazaqstanda, Abaı jáne Pavlodar oblystarynda barlyq respýblıkalyq tasjoldarda júk jáne qoǵamdyq kólikterge, dızelmen júretin avtomobılderge qozǵalys shekteldi. Jetisý oblysynda «Almaty-Óskemen» tasjolynyń Úsharal qalasynan Abaı oblysyna deıingi shekarasynda qozǵalysqa shekteý engizildi.
Qaraǵandy oblysynda «Qyzylorda-Pavlodar» tasjolynda, «Qalqaman-Baıanaýyl-Úmitker-Kerneı-Botaqara» tasjolynda (Botaqara aýylynpn Pavlodar oblysynyń shekarasyna deıin), «Qaraǵandy-Aıagóz-Buǵaz» tasjolynda (Búrkitti aýylynan Abaı oblysynyń shekarasyna deıin) jolǵa shyǵýǵa ruqsat etilmeıdi.
Aqmola oblysynda «Astana-Ereımentaý-Shiderti» tasjolynda (Astana qalasynan Pavlodar oblysynyń shekarasyna deıin) qozǵalys shekteldi.
Túrkistan oblysynda aýa raıynyń nasharlaýyna baılanysty «Almaty-Tashkent-Termez» tasjolynda (Jambyl oblysynyń shekarasynan Jankeshý aýylyna deıin) barlyq kólik túrlerine júrýge tyıym saldy.
