Qazaqstannyń 7 óńirinde úsik júredi
NUR-SULTAN. QazAqparat –Qazaqstannyń basym bóliginde antıtsıklon aǵymyna baılanysty jaýyn-shashynsyz aýa raıy kútiledi, dep habarlaıdy QazAqparat Qazgıdrometke silteme jasap.
Tek respýblıkanyń soltústik, ortalyq jáne shyǵysynyń keı jerlerinde frontaldi bólikterdiń ótýine baılanysty qubylmaly aýa raıy saqtalady. Kúndiz jáne túnde keı jerlerde jaýyn-shashyn jaýady, keı jerlerde jel kúsheıedi, tuman túsedi.
Aqmola, Atyraý, Aqtóbe, Qostanaı, Soltústik Qazaqstan, Pavlodar, Qaraǵandy oblystarynyń keı jerlerinde tuman bolyp, kúndiz Qostanaı, Soltústik Qazaqstan oblystarynda jel 15-20 m/s kúsheıedi.
Aqmola, Atyraý, Aqtóbe, Qostanaı, Soltústik Qazaqstan, Pavlodar, Qaraǵandy oblystarynyń keı jerlerinde túnde 1-3 gradýs úsik kútiledi.
Qyzylorda, Túrkistan oblystarynda, Jambyl oblysynyń keı jerlerinde, Karaǵandy oblysynyń ońtústik, ońtústik-shyǵysynda, Batys Qazaqstan oblysynyń ońtústiginde óte joǵary órt qaýipi saqtalady.
