Qazaqstannyń 7 óńirinde eskertý jarııalandy
NUR-SULTAN. QazAqparat - Qazaqstannyń 7 óńirinde aýa raıyna baılanysty eskertý jarııalandy, dep habarlaıdy QazAqparat Qazgıdrometke silteme jasap.
28 naýryz kúni Qostanaı oblysynyń keı jerlerine tuman túsip, shyǵystan soqqan jeldiń jyldamdyǵy sekýndyna 15-20 metrge jetedi.
28-29 naýryz kúnderi Soltústik Qazaqstan oblysynyń keı jerlerine tuman túsip, kóktaıǵaq bolady. 28 naýryzda jel ońtústik-shyǵystan kúndiz 15-20 m/s jyldamdyqpen soǵady, ekpini 25 m/s-qa deıin jetýi múmkin. 29 naýryzda oblys aýmaǵynyń basym bóliginde jeldiń jyldamdyǵy 15-20 m/s, ekpini 25 m/s, kúndiz keı jerlerde 15-20 m/s bolady.
Petropavl qalasynda 28 naýryzda tuman túsýi múmkin, 28 naýryz kúni kóktaıǵaq bolady, jel ońtústik-shyǵystan 15-20 m/s jyldamdyqpen soǵady.
28 naýryzda túnde ońtústik-batys jeli Qyzylorda oblysynyń keı jerlerinde, kúndiz oblys aýmaǵynyń basym bóliginde 15-20 m/s jyldamdyqpen soǵady.
Qyzylorda qalasynda 28 naýryzda jel ońtústik-batystan 15-20 m/s jyldamdyqpen soǵady.
28-30 naýryz kúnderi Túrkistan jáne Jambyl oblystarynyń taýly aımaqtarynda, 30 naýryz kúni Almaty oblysy jáne Almaty qalasynyń taýly aýdandarynda kúshti jaýyn-shashyn saldarynan ózender arnasynan tasyp aǵýy múmkin.
28-29 naýryz kúnderi mol jaýyn-shashyn saldarynan Aqtóbe oblysynda muzdar erip, aıdyndardaǵy sý deńgeıi kóterilýi múmkin.
