Qazaqstannyń 7 óńirinde aýa raıy buzylady
ASTANA. QazAqparat - Respýblıkanyń 7 óńirinde aýa raıyna baılanysty eskertý jarııalandy, dep habarlaıdy QazAqparat «Qazgıdromet» RMK-ǵa silteme jasap.
Túrkistan oblysynla 11 tamyzda tańerteń jáne kúndiz naızaǵaı oınap, daýyl turýy yqtımal. Táýlik ishinde keı jerlerde shańdy daýyl bolyp, túnde keı jerlerde soltústik-batystan soqqan jeldiń ekpini kúsheıip, kúndiz óńirdiń basym kópshiliginde jeldiń jyldamdyǵy sekýndyna 15-20 metrge, keı jerlerde 25 metrge jetedi dep kútilýde.
Daýyl turý yqtımaldyǵy - 90-95%.
Qostanaı oblysynda 11 tamyzda keı jerlerde naızaǵaı jarqyldap, soltústik-batystan jyldamdyǵy sekýndyna 15-20 metr jel soǵady. Jeldiń ekpini sekýndyna 25 metr bolady.
Daýyl turý yqtımaldyǵy - 90-95%.
Soltústik Qazaqstan oblysynda 11 tamyzda túnde soltústik-batystan keı jerlerde jyldamdyǵy sekýndyna 15-20 metrge jetetin, kúndiz sekýndyna 15-20 metr, keı jerlerde jyldamdyǵy sekýndyna 25 metr bolatyn jel soǵýy yqtımal.
Petropavl qalasynda 11 tamyzda soltústik-batystan jyldamdyǵy sekýndyna 15-20 metr bolatyn jel soǵýy múmkin. Kúndiz naızaǵaı oınap, daýyl turady. Burshaq jaýýy yqtımal.
Daýyl turý yqtımaldyǵy - 90-95%.
Jambyl oblysynda12 tamyzda keı jerlerde qatty jaýyn-shashyn bolyp, 11 tamyz kúndiz, 12 tamyz táýlik boıy naızaǵaı jarqyldap, burshaq jaýýy yqtımal. 12 tamyzda daýyl turyp, tuman túsedi. Soltústik-batystan soqqan jel ońtústik-batysqa qaraı yǵysady. Keı jerlerde jeldiń jyldamdyǵy sekýndyna 15-20 metrge barady.
Taraz qalasynda 11 tamyzda kúndiz, 12 tamyzda táýlik boıy ara-tura naızaǵaı jarqyldap, burshaq jaýýy yqtımal. 12 tamyzda daýyl turýy múmkin. Soltústik-batys jel ońtústik-batysqa qaraı yǵysady. Ekpini -seýkýndyna 15-20 metr aınalasynda bolady.
Daýyl turý yqtımaldyǵy - 80-90%.
ShQO-nyń taýly ózenderinde 12-13 tamyzda jáne Almaty men Jambyl oblysynda keı jerlerde qatty jaýyn-shashynnyń boljalýymen baılanysty sý deńgeıi kóterilýi múmkin.
Aqtóbe oblysynda 11 tamyzda keı jerlerde naızaǵaı túsýi múmkin.
Aqtóbede 11 tamyzda kúndiz soltústik-batystan jyldamdyǵy sekýndyna 18 metrge jetetin jel soǵýy yqtımal.
