Qazaqstannyń 7 oblysynda aýa raıyna baılanysty eskertý jarııalandy
NUR-SULTAN. QazAqparat – Qazaqstannyń jeti oblysynda aýa raıyna baılanysty eskertý jarııalandy, dep habarlaıdy QazAqparat Qazgıdrometke silteme jasap.
8 aqpan kúni Aqmola oblysynyń batysy men ońtústiginde jaıaý burqasyn kútiledi. Oblystyń batysynda 15-20 m/s jel soǵyp, ol ońtústik-batystan ońtústik-shyǵysqa qaraı aýysady.
Aqtóbe oblysynyń ońtústiginde tuman túsýi yqtımal.
8-9 aqpan kúnderi Jambyl oblysynyń soltústik-shyǵysy, ońtústik-batysy men taýly aýdandarynda tuman túsedi, kóktaıǵaq. Oblystyń soltústik-shyǵysy men taýly aýdandarynda soltústik-shyǵystan 15-20 m/s jel soǵady. Tarazda tuman bolmaq.
8 aqpan kúni Batys Qazaqstan oblysynyń soltústiginde tuman kútiledi. Oralda túnde jáne tańerteń tuman túsýi múmkin.
Qostanaı oblysynyń soltústiginde tuman tusedi. Oblystyń ońtústiginde ońtústikten, ońtústik-shyǵystan 15-20 m/s jel soǵady.
Qyzylorda oblysynyń soltústigi men ortalyǵynda kóktaıǵaq, tuman, kútiledi. Qyzylordada tuman bolady.
Túrkistan oblysynyń ońtústigi, batysy, taýly jáne taý bókterindegi aýdandarynda tuman, kóktaıǵaq. Shymkentte de tuman, kóktaıǵaq bolady. Túrkistanda 8 aqpan kúni túnde jáne tańerteń tuman túsedi, kóktaıǵaq.
