Qazaqstannyń 7 oblysynda aptap ystyq kútilýde
ASTANA. Shildeniń 4-i. QazAqparat - Búgin Qazaqstannyń aýmaǵynyń basym bóligine antıtsıklon óz áserin tıgizedi. Ońtústik jáne ońtústik-shyǵys oblystar aýa tolqyny aımaǵynda bolady, dep habarlaıdy elimizdiń Tótenshe jaǵdaılar mınıstrliginiń baspasóz qyzmeti.
Batys Qazaqstan, Ońtústik Qazaqstan, kúndiz Atyraý, Almaty, al túnde Qostanaı oblystarynyń keıbir jerlerinde jeldiń qýaty sekýndyna 15-20 metrge deıin kúsheıedi dep kútilýde.
Qyzylorda oblysynyń keıbir óńirinde topyraq burqap, jeldiń jyldamdyǵy sekýndyna 15-20 metrge deıin jetedi.
Batys Qazaqstan, Atyraý, Mańǵystaý, sonymen qatar Aqtóbe, Qostanaı, Qaraǵandy, Jambyl oblystarynyń keıbir óńirlerinde aptap ystyq kútilýde.
Atyraý, Ońtústik Qazaqstan, Qyzylorda, sondaı-aq Batys Qazaqstan, Aqtóbe, Qostanaı, Qaraǵandy, Shyǵys Qazaqstan, Almaty, Jambyl oblystarynyń keıbir óńirlerinde 5 synypty órt qaýpi bar.
Sınoptıkterdiń atap ótýinshe, taıaýdaǵy 4 kúnniń ishinde respýblıkanyń ońtústik, ońtústik-shyǵys jáne shyǵys taý ózenderinde sý deńgeıiniń aýytqýy baıqalady. Al Іle men Syrdarııa ózenderinde sýdyń artýy saqtalady.
