Qazaqstannyń 7 oblysynda aptap ystyq bolady
ASTANA. QazAqparat - Búgin atmosferalyq frontaldy bólikterdiń ótýine baılanysty respýblıkanyń keı jerlerinde jańbyr jaýyp, naızaǵaı oınaıdy. Soltústik-batysta jel kúsheıip, burshaq jaýýy múmkin. Ońtústikte shańdy daýyl turady. Soltústik óńirde túnde jáne tańerteń tuman túsedi.
Bul týraly QR ІІM TJK baspasóz qyzmeti habarlaıdy.
Jambyl oblysynda, kúndiz Qyzylorda oblysynyń keı jerlerinde shańdy daýyl soǵyp, jeldiń jyldamdyǵy 15-23 m/s-ǵa deıin kúsheıedi.
Aqtóbe, túnde Túrkistan, kúndiz Aqmola oblystarynyń keı jerlerinde jeldiń jyldamdyǵy 15-20 m/s-ǵa deıin kúsheıedi.
Qostanaı oblysynyń keı jerlerinde jeldiń jyldamdyǵy 15-20 m/s kúsheıedi, burshaq jaýýy múmkin.
Soltústik Qazaqstan oblysynyń keı jerlerinde túnde jeldiń jyldamdyǵy 15-20 m/s, túnde jáne tańerteń keı jerlerde tuman túsedi.
Mańǵystaý, Aqtóbe oblystarynda qatty ystyq saqtalady.
Kúndiz Qaraǵandy oblysynyń keı jerlerinde óte qatty ystyq kútiledi.
Aqmola, Qyzylorda, Batys Qazaqstan, Atyraý oblystarynda, Jambyl, Túrkistan, Qostanaı oblystarynyń keı jerlerinde qatty ystyq kútiledi.
Atyraý, Mańǵystaý, Qyzylorda oblystarynda, Batys Qazaqstan, Aqtóbe, Túrkistan oblystarynyń keı jerlerinde óte joǵary órt qaýpi saqtalady.
