Qazaqstannyń 7 qalasynda jeksenbi kúni aýa sapasy tómendeýi yqtımal
ASTANA. QazAqparat - 25 aqpanǵa arnalǵan meteorologııalyq jaǵdaılar Qazaqstannyń 12 iri qalasynda lastaýshy zattardyń shoǵyrlanýyna yqpal etedi, dep habarlaıdy QazAqparat «Qazgıdromet» RMK silteme jasaı otyryp.
Aqtaý, Atyraý, Qostanaı, Petropavl, Oral, Óskemen, Shymkent qalalaryndaǵy meteojaǵdaılar atmosferadaǵy lastaýshy zattardyń ydyraýyna yqpal etedi.
Al Almaty, Astana, Qaraǵandy, Qyzylorda, Kókshetaý, Pavlodar, Taldyqorǵan sııaqty qalalardaǵy meteojaǵdaılar atmosferada lastaýshy zattardyń jınalýyna negiz bolady.
Aıta keteıik, 1 qańtardan bastap, Qazgıdromet saıtynda jaqyn kúnderge arnalǵan jaısyz meteorologııalyq jaǵdaılar (JMJ) týraly málimetter taralýda.
JMJ atmosferanyń jer betindegi qyrtysynda las zattardyń jınalýyna yqpal etetin qysqamerzimdi meteorologııalyq faktorlardyń (álsiz jel, tuman, ınversııa) jıyntyǵy. JMJ bolǵan jaǵdaılarda eldi mekenderdegi aýa sapasy tómendeýi yqtımal.
Aýanyń lastaný deńgeıin anyqtaıtyn mańyzdy faktorlardyń biri sınoptıkalyq jaǵdaıǵa jasalatyn boljam (jel, jaýyn-shashyn, qar, ylǵaldylyq, aýa temperatýrasy) bolyp tabylady.
