Qazaqstannyń 6 óńirinde kún buzylady
NUR-SULTAN. QazAqparat - Aýa raıynyń buzylýyna baılanysty birqatar óńirde eskertý jarııalandy, dep habarlaıdy QazAqparat Qazgıdrometke silteme jasap.
12 jeltoqsanda Batys Qazaqstan oblysynyń keı jerlerinde tuman túsip, kóktaıǵaq bolady. Kúndiz soltústikten soǵatyn jeldiń jyldamdyǵy 15-20 m/s jetedi.
Osy kúni Oral qalasynda túnde jáne tańerteń tuman túsedi.
12 jeltoqsanda Túrkistan oblysynyń basym bóliginde jáne Túrkistan qalasynda tuman bolady.
Osy kúni Shymkent qalasynda da keı ýaqytta tuman túsedi.
12 jeltoqsanda Aqmola oblysynyń keı jerlerinde tuman túsip, kóktaıǵaq kútiledi. Kúndiz keı jerlerde jaıaý burqasyn kóteriledi. Ońtústik jáne ońtústik-batystan soqqan jeldiń ekpini kúndiz keı jerlerde 15-20 m/s deıin kúsheıedi.
Osy kúni Kókshetaý qalasynda kúndiz tuman túsip, kóktaıǵaq bolady.
12 jeltoqsanda Qostanaı oblysynda kúndiz qar jaýady. Keı jerlerde boran soǵyp, tuman túsedi. Kóktaıǵaq bolady. Ońtústik-batystan soqqan jel soltústikke aýysady. Kúndiz jel qarqyny keı jerlerde 15-20 m/s bolady.
12 jeltoqsan tańerteń jáne kúndiz Qostanaı qalasynda qar jaýyp, burqasyn kóteriledi. Ońtústik-batystan soqqan jel soltústikke aýysady. Kúndiz jel sekýndyna 15-20 metr jyldamdyqpen soǵady.
12 jeltoqsanda Aqtóbe oblysynyń keı jerlerinde tuman túsip, kóktaıǵaq saqtalady.
Osy kúni Aqtóbe qalasynda keı ýaqytta tuman túsedi.
