Qazaqstannyń 6 oblysynda qoqys órteıtin zaýyt salynady
Bul týraly Ekologııa, geologııa jáne tabıǵı resýrstar mınıstri Maǵzum Myrzaǵalıev halyq aldyndaǵy eseptik kezdesinde aıtty.
«Túziletin qaldyqtardyń kólemin qysqartý úshin «Waste to Energy» qaldyqtardy energetıkalyq kádege jaratý tetigin engizý jónindegi zań qabyldandy. Qoqys jaǵatyn zaýyttar salý úshin alty qala belgilendi. Olar: Nur-Sultan, Aqtóbe, Almaty, Shymkent, Qaraǵandy jáne Óskemen. Ákimdikter zaýyt qurylysyna qajet jer telimderin bóldi. Energııa berýshi uıymnan elektr jelisine qosýdyń taıaý núktelerin bekitti. Energııa óndirýshi uıymdardyń tizbesin qalyptastyrý úshin aýktsıondy ótkizýge qujattardy qabyldaý bastaldy. Ekinshi jartyjyldyqta qorytyndy shyǵaramyz», - dedi vedomstvo basshysy.
Mınıstr ruqsat etilmegen qoqys polıgondarynyń problemasyna da toqtaldy.
«Ǵaryshtyq monıtorıng aıasynda jyl saıyn segiz myńǵa jýyq qoqys úıindileri anyqtalady. Bul rette, zańsyz qoqys úıindileri máselesin júıeli sheshý úshin jańa Ekologııa kodeksinde qoqys shyǵaratyn kólikterge GPS-datchıkterdi mindetti túrde ornatý máselesi kózdelgen. Qaldyqtardy qaıta óńdeýmen jáne kádege jaratýmen aınalysatyn kásiporyndar úshin lıtsenzııalaý jáne qoqys shyǵaratyn uıymdar úshin habarlama jasaý tártibi engizildi», - dedi mınıstr.
