Qazaqstannyń 6 oblysynda burqasyn bolady
ASTANA. QazAqparat - 11 qańtarda Qazaqstannyń alty oblysy aýmaǵynda burqasyn kútiledi, dep habarlaıdy TJK Kazgıdromettiń málimetine silteme jasap.
11 qańtarda túnde jáne tańerteń Jambyl oblysynyń keı jerlerinde jaýyn-shashyn (kóbinese qar), burqasyn, kóktaıǵaq bolady. Ońtústik-batystan, batystan soqqan jeldiń kúshi keı jerlerde 15-20, ekpini 23-28 m/s, keı ýaqyttarda 30 m/s jetedi.
Tarazda: túnde jáne tańerteń 11 qańtarda ońtústik-batys, batystan jel soǵady, kúshi 15-20, ekpini 23-28, keı ýaqyttarda 30 m/s jáne odan da asýy yqtımal.
11 qańtarda Soltústik Qazaqstan, Pavlodar, Aqmola, Shyǵys Qazaqstan, Qaraǵandy oblystarynda qar jaýyp, burqasyn bolady. Keı jerlerde tuman, kóktaıǵaq kútiledi. Ońtústik-batys, batystan soqqan jeldiń jyldamdyǵy 15-20, ekpini 25 m/s, keı jerlerde 30 m/s jáne odan da asýy múmkin.
Burqasyn bolý yqtımaldylyǵy 90-95 %.
