Qazaqstannyń 6 qalasynda qoqys jaǵatyn zaýyttar salynady

NUR-SULTAN. QazAqparat – QR Ekologııa, geologııa jáne tabıǵı resýrstar mınıstri Serikqalı Brekeshev qoqys jaǵatyn zaýyttardyń qurylysy týraly aıtyp berdi, dep habarlaıdy QazAqparat tilshisi.

«Qaldyqtarmen jumys isteý máselesine kósheıin. Túzilgen qatty turmystyq qaldyqtar kólemin aıtarlyqtaı qysqartý úshin zańnamalyq deńgeıde «Waste to Energy» tetigi engizildi. Qoqys jaǵatyn zaýyttar salý úshin 6 qala anyqtaldy. Alǵashqy aýktsıondyq saýda-sattyq ótkizildi. Investor anyqtaldy. Qurylys jumystary kelesi jyly bastalady. Jeke ınvestıtsııalar 292 mlrd teńgeni quraıdy. Óz kezeginde, memleket qajetti ınfraqurylymmen qamtamasyz etedi», - dedi mınıstr Úkimet otyrysynda.

Mınıstr beı-bereket úıindilerdi joıý jáne boldyrmaý jumystary júrip jatqanyn eske saldy. Búgingi kúni 7,3 myń úıindiniń 86 paıyzy joıyldy. Reıdtik sharalar ótip, 17 myńǵa jýyq quqyqbuzýshy jaýapkershilikke tartylyp, 25 mln teńge somasyna aıyppul salynǵan.

Buǵan deıin Serikqalı Brekeshev ekologııalyq ahýaldy jaqsartý úshin qandaı sharalar jasalyp jatqanyn baıandaǵan edi.