Qazaqstannyń 6 qalasynda aýa sapasy nasharlaıdy
NUR-SULTAN. QazAqparat – «Qazgıdromet» RMK elimiz qalalaryndaǵy aýa sapasynyń meteorologııalyq ahýaly týraly málim etti, dep habarlaıdy QazAqparat.
Sınoptıkterdiń málimetinshe, 31 jeltoqsan kúni Shymkent, Aqtóbe, Temirtaý, Balqash, Almaty jáne Nur-Sultan qalalarynda qolaısyz meteojaǵdaı qalyptasady.
Qazaqstannyń ózge shaharlarynda aýanyń lastanýy kútilmeıdi.
Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
