Qazaqstannyń 50 kompanııasy «Altyn tasymaldaýshy» mártebesimen Alibaba-da saýda jasap jatyr
«2019 jyly «Atameken» ulttyq kásipkerler palatasy Saýda jáne ıntegratsııa mınıstrligi men birlesip, «Internet eksporterlardyń mektebi» jobasy júzege asyryldy. Osynyń nátıjesinde 2020 jyly Qazaqstannyń 50 kompanııasy «Altyn tasymaldaýshy» mártebesimen «Alibaba» platformasyna engizildi», - dedi Narıman Ábilshaıyqov Saýda jáne ıntegratsııa mınıstrliginiń alqa otyrysynda.
Ol sonymen qatar «Bastaý Bıznes» jobasy aıasynda marketpleıstaǵy saýdany júrgizý úshin kásipkerlerdi oqytatyn fintech.atameken.com platformasy qurylǵanyn málim etti.
«Biz óz elimizde bastaumarket.kz servısin qurdyq. Ol Etsy.com halyqaralyq saýda platformasyn meńgerýge berilgen ótinimderdi biriktiredi. Osy qyzmet arqyly qatysýshylarǵa marketıngtik taldaý júrgizý, taýarlardy jobalaý jáne jyljytý boıynsha keńester, naryqty táýelsiz paıdalanýǵa úıretý boıynsha qoldaý alýǵa múmkindik berildi», - dep qorytyndylady spıker.