Qazaqstannyń 5 óńirinde uıymdasqan qylmystyq toptyń 28 qatysýshysy ustaldy
Arnaıy operatsııany Іshki ister mınıstrligi men Ulttyq qaýipsizdik komıteti Almaty qalasy, Almaty, Aqtóbe, Jambyl jáne Batys Qazaqstan oblystarynyń aýmaǵynda ІІM-niń arnaıy maqsattaǵy bólimshelerin tarta otyryp júrgizdi.
Qaýipti uıymdasqan top qyzmetiniń jolyn kesý jónindegi arnaıy operatsııanyń barysyn Qazaqstan Respýblıkasynyń Bas prokýratýrasy úılestirdi. Tártip saqshylary uıymdasqan qylmystyq toptardyń 28 qatysýshysyn ustady, olardyń 16-sy qamaýǵa alyndy.
53 nysandy tintý kezinde atys qarýynyń arsenaly men onyń oq-dárileri tárkilendi, sondaı-aq baqylaýǵa arnalǵan arnaıy tehnıka tabyldy. Bul top kóbinese eldiń ońtústik aımaǵynda jumys istep, bul qylmystyq jaǵdaıǵa teris áser etken.
– Sotqa deıingi tergeý barysynda uıymdasqan qylmystyq toptyń kóshbasshylary B. jáne J. Atty azamattar turaqty uıymdasqan qylmystyq top quryp, ony basqarǵany anyqtaldy, – dep habarlady polıtsııadan.
Quqyq qorǵaý organdarynyń málimetinshe, olar eldiń ońtústiginde 15 aýyr jáne asa aýyr qylmys jasaǵan. Oǵan úsh qaraqshylyq shabýyl, kásipkerlerge qatysty qarý qoldanýmen bes bopsalaý, sondaı-aq buzaqylyq jáne qarýdy zańsyz saqtaý áreketteri kiredi.
– Bul qylmystyq topta ıerarhııa, kóshbasshylarǵa sózsiz baǵyný jáne qastandyq sharalaryn saqtaý qatań saqtalǵan. Sonymen qatar, olar jasaǵan qylmystar erekshe qatygezdikpen erekshelendi. Qazirgi ýaqytta aıyptalýshylarǵa qatysty qylmystyq ister sotqa jiberildi, – dep qorytyndylady quqyq qorǵaý organdary.