Qazaqstannyń 5 óńirinde taýarlardy kóterme taratý ortalyqtary salyndy
«Baǵany qajetti deńgeıde ustap turý úshin otandyq óndiristi qalypqa keltirýimiz qajet. Búgingi kúni Qazaqstanda tutynylatyn qus eti men qanttyń 50 paıyzyn ımport quraıdy. Sonymen qatar respýblıkada kókónis ónimderiniń óndirisi jetkiliksiz ekendigin naqty aıtýǵa bolady. Osyǵan baılanysty biz úshin taýarlardy durys saqtaý júıesi men óńirlerge bólýdi damytýdyń mańyzy zor. Bul úshin mınıstrlik saýda bólý júıesin jasaıdy. Ol óndirýshilerdi, taýar-logıstıka kompanııalaryn, reıterlerdi, sondaı-aq bazarlar men úı janyndaǵy dúkenderdi biriktiretin bolady», - dedi vıtse-mınıstr vedomstvonyń Memleket basshysynyń taıaýdaǵy Joldaýynyń negizgi baǵyttaryn túsindirýge arnalǵan alqa otyrysynda.
Bul úshin onyń aıtýynsha, Saýda jáne ıntegratsııa mınıstrligi elimizdiń bes óńirinde, atap aıtqanda, Jambyl, Batys Qazaqstan, Pavlodar, Shyǵys Qazaqstan jáne Qaraǵandy oblystarynda kóterme taratý ortalyqtaryn salady. Sondaı-aq úsh óńirde taratý ortalyqtaryn salý josparlanǵan.
«Osyndaı ortalyqtardy salý biz úshin tıisti saqtaý oryndarynyń azdyǵyn tolyqtyratyn kóptegen tıimsiz deldaldardy boldyrmaıtyn, taýarlardy óńirlerge qajettiligi boıynsha bóletin ınfraqurylymdyq keshen jasaıdy», - dedi Azamat Asqaruly.
