Qazaqstannyń 5 óńirinde erteń qar jaýady

ASTANA. QazAqparat – Sınoptıkter 7 sáýirde Qazaqstannyń bes óńirinde qar jaýyp, kóktaıǵaq bolýy múmkin ekenin eskertti, dep habarlaıdy QazAqparat.«Qazgıdromet» RMQ aqparaty boıynsha, Astanada jańbyr men qar túrinde jaýyn-shashyn kútiledi.

Aqmola oblysynyń soltústigi men shyǵysynda 7 sáýirde jaýyn-shashyn (jańbyr, qar), tuman, kóktaıǵaq bolyp, aýa temperatýrasy kúrt tómendeıdi. Túnde 0-5 gradýsqa deıin úsik júredi, kúndiz 2-7 gradýs jyly bolady. Oblystyń soltústik-batysynda 1 gradýs úsik júredi, temperatýra odan ári tómendeı beredi.

8 sáýirde túnde oblystyń shyǵysynda qar jaýyp, kóktaıǵaq bolady. Soltústik-shyǵystan soǵatyn jel soltústik-batysqa aýysyp, jyldamdyǵy sekýndyna 15-20 metrge jetedi.
Qostanaı oblysynyń soltústigi men shyǵysynda 7 sáýirde jaýyn-shashyn, tuman, kóktaıǵaq bolýy yqtımal. Jeldiń jyldamdyǵy 15-20 m/s quraıdy. Aýa temperatýrasy túnde 0-5 gradýsqa deıin kúrt tómendeıdi, kúndiz 0-5 gradýs jyly bolyp, ary qaraı sýyta beredi.
Pavlodar oblysynyń soltústik, batys aımaqtarynda 7 sáýirde jaýyn-shashyn, tuman boljanady. 8 sáýirde oblystyń soltústigi men shyǵysynda qar jaýyp, tuman túsedi, kóktaıǵaq bolýy múmkin. Jeldiń ekpini 15-20 m/s quraıdy. 8 sáýirde aýa temperatýrasy túnde 5-10 gradýsqa deıin tómendep, kúndiz -2 gradýstan 3 gradýs jylyǵa aýysady. Odan ári temperatýra tómendeı beredi.
Soltústik Qazaqstan oblysynyń ońtústigi men shyǵysynda 7 sáýirde jaýyn-shashyn, tuman, kóktaıǵaq bolady. Soltústikten, soltústik-shyǵystan 15-20 m/s jel soǵady, ekpini keı jerlerde 23-28 m/s jetedi.