Qazaqstannyń 5 oblysynda joldar jabyldy
ASTANA. QazAqparat - 20 qarasha saǵat 20-00-den bastap, aýa raıynyń kúrt buzylýyna baılanysty (úskirik aıaz) Astana qalasynyń barlyq baǵyttary boıynsha júk jáne dızeldi otynmen júretin kólikter úshin jol jabyldy, dep habarlaıdy QR ІІM-niń Tótenshe jaǵdaılar komıtetiniń ókilderi.
Qaraǵandy oblysynda saǵat 20-00-den bastap, aýa raıynyń buzylýyna baılanysty (aıaz) júk tasıtyn kólikter men dezeldi otynmen júretin kólikter úshin jol jabyldy.
Pavlodar oblysynda saǵat 19-00-den bastap, aýa raıynyń buzylýyna oraı (aýa temperatýrasynyń tómendeýi) «Omby-Maıqapshaǵaı» avtojolynyń bóligi (426,587km) Kenjekól aýylynan Shyǵys Qazaqstan oblysynyń shekarasyna deıin júk kólikteri men dızeldi otnmen júretin kólikter úshin jabyq.
Almaty oblysynda saǵat 19-00-den bastap, qolaısyz meteojaǵdaılarǵa baılanysty (qalyń qar, kórinis nashar) respýblıkalyq baǵyttaǵy «Almaty-Óskemen» avtojolynyń 558 jáne 615 km-i barlyq júk jáne dızeldi otynmen júretin kólikter úshin jabyq.
Shyǵys Qazaqstan obylsynda saǵat 19-00-den saǵat 08-00-ge deıin syrtqy aýanyń shekten tys tómendeýine baılanysty marshrýtty reısti kólikter men dızeldi otynmen júretin avtokólikter úshin barlyq baǵyttar boıynsha jol jabyq.
Aqmola oblysynda saǵat 20-30-dan bastap, aýa raıynyń kúrt buzylýyna baılanysty (aýa temperatýrasynyń -30, -31 gradýstan tómen bolýy) barlyq baǵyttar boıynsha dızeldi otynmen júretin júk kólikteri men qoǵamdyq kólikter úshin jol jabyq.
