Qazaqstannyń 5 qalasynda aýa sapasy nasharlaıdy
ASTANA. QazAqparat - Beısenbi, 14 naýryz kúni Qazaqstannyń birneshe qalasynda jaǵymsyz meteorologııalyq jaǵdaı qalyptasady, dep habarlaıdy QazAqparat.
«Qazgıdromet» RMK-nyń málimetinshe, aýa sapasy Qaraǵandy, Balqash, Temirtaý, Shymkent qalalarynda, sondaı-aq túnde jáne kúndiz Astana qalasynda nasharlaıdy.
Elimizdiń ózge shaharlarynda atmosferalyq aýanyń lastanýy kútilmeıdi.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
