Qazaqstannyń 5 qalasynda aýa sapasy nasharlaıdy
ASTANA. QazAqparat - Dúısenbi, 24 jeltoqsan kúni meteorologııalyq jaǵdaı elimizdiń bes qalasynda atmosferada lastaýshy zattardyń shoǵyrlanýyna yqpal etedi, dep habarlaıdy QazAqparat.
«Qazgıdromet» RMK-nyń málimetinshe, Aqtóbe, Kókshetaý, Petropavl, Taldyqorǵan qalalarynda aýa sapasynyń nasharlaıtyny kútiledi. Al Qaraǵandy qalasynda jaǵymsyz meteojaǵdaılar saqtalady.
Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
