Qazaqstannyń 5 boksshysy Habarovskidegi týrnırdiń aqtyq synyna shyqty
ASTANA. QazAqparat - Qazaqstan quramasynyń 5 boksshysy Reseıdiń Habarovsk qalasynda ótip jatqan týrnırdiń aqtyq synyna shyqty, dep habarlaıdy Qazaqstannyń boks federatsııasynyń baspasóz qyzmeti.
Eń jeńil salmaq dárejesinde 49 kelide óner kórsetip júrgen Jomart Erjan Indonezııa boksshysy Kornelıýs Vangýlangti tize búktirdi. Ádilet Qurmetov 52 keli salmaqta KHDR sportshysy Kım Hýn Chýndi jeńse, Dáýren Eleýsinov 81 keli dárejede Ázirbaıjan eliniń úkilep qosqan sańlaǵy Raýf Ragımovti oısyratyp saldy. Barlyq úsh kezdesý qazylardyń bergen upaıymen jeńiske jetti.
Al Aıdar Ámirzaqov (64 keli) pen jaqynda ǵana álem chempıony atanǵan Jánibek Álimhanuly (75 keli) ózderiniń qarsylastaryn nokaýtqa jiberdi.
Erteń aqtyq synǵa shyǵýǵa Qazaqstannan taǵy tórt boksshy talasyp kóredi. Erjan Ordabaevqa (56 keli) Ázirbaıjan boksshysy Tural Ahmedov, Saǵadat Rahmanqulovqa (69 keli) taǵy bir ázirbaıjandyq Parvız Bagırov, Anton Pınchýkqa (91 keli) ýkraındyq Sergeıa Radchenko, Nurjan Bekzatovqa (91 keliden joǵary) ırandyq Delavarı ıAsem qarsy turatyn bolady.
