Qazaqstannyń 4 óńirinde úsik júredi
NUR-SULTAN. QazAqparat – Qazgıdromet 10 qazanǵa arnalǵan aýa raıy boljamyn jarııalady, dep habarlaıdy QazAqparat.
Qazaqstannyń basym bóligi álide antıtsıklonnyń yqpalynda bolady, soǵan baılanysty jaýyn-shashynsyz aýa-raıy kútiledi.
Tek Qazaqstannyń soltústiginde, ortalyǵynda jáne ońtústik-shyǵysynda atmosferalyq fronttardyń ótýimen jańbyr jáne qar túrinde jaýyn-shashyn kútiledi. Respýblıkanyń keı jerlerinde tuman, jeldiń kúsheıýi, soltústikte –kóktaıǵaq, ońtústik-batysynda- shańdy daýyl kútiledi.
Soltústik Qazaqstan oblysynyń keı jerlerinde kóktaıǵaq, tuman kútiledi, jel 15-20 m/s deıin kúsheıedi. Almaty, Jambyl, túnde jáne tańerteń Qaraǵandy oblystarynyń keı jerlerinde tuman kútiledi, Jambyl oblysynyń keı jerlerinde jel 15-20 m/s deıin kúsheıedi.
Aqmola, Túrkistan, kúndiz Qyzylorda, Manǵystaý, Atyraý oblystarynyń keı jerlerinde jel 15-23 m/s deıin kúsheıedi, Manǵystaý oblysynda kúndiz shańdy daýyl soǵady.
Almaty, Jambyl, Túrkistan, Qyzylorda oblystarynyń túnde keı jerlerinde túnde 1-5 gradýs úsik kútiledi.
