Qazaqstannyń 4 óńirinde aýa raıyna baılanysty eskertý jarııalandy
NUR-SULTAN. QazAqparat - «Qazgıdromet» RMK aýa raıyna baılanysty Qazaqstannyń birqatar óńirlerinde eskertý jarııalady, dep habarlaıdy QazAqparat.
4 mamyr kúni tańerteń jáne kúndiz Qostanaı oblysynda ońtústikten jel soǵady, keı jerlerde onyń ekpini 15-20 m/s jetedi.
Qostanaı qalasynda tańerteń jáne kúndiz ońtústikten jel soǵady. Jeldiń kúshi sekýndyna 15-20 metr bolady.
Erteń Qyzylorda oblysynyń keı jerlerinde shańdy daýyl soǵyp, shyǵystan, soltústik-shyǵystan qatty jel soǵady. Jel ekpini túnde keı jerlerde 15-20 m/s, kúndiz oblystyń basym bóliginde 15-20, keı jerlerde 25 m/s deıin kúsheıedi.
Osy kúni Qyzylorda qalasynda kúndiz shańdy daýyl turady. Shyǵystan soǵatyn jeldiń kúshi 15-20 m/s jetedi.
Erteń Soltústik Qazaqstan oblysynda ońtústik-batystan kúshti jel soǵady. Túnde keı jerlerde jel ekpini 15-20 m/s, kúndiz 15-20, keı jerlerde 25 m/s deıin ulǵaıady.
Petropavl qalasynda 4 mamyrda ońtústik-batystan qatty jel soǵady. Túnde jel qarqyny 15-20 m/s, kúndiz 15-20, 25 m/s deıin kúsheıedi.
4 mamyrda Aqtóbe oblysynda ońtústik-shyǵystan, ońtústikten jel soǵady, keı jerlerde jel ekpini 15-20 m/s bolady.
Aqtóbe qalasynda kúndiz ońtústik-shyǵystan jáne ońtústikten jel soǵady. Jel qarqyny 18 m/s deıin jetedi.
