Qazaqstannyń 4 óńirinde 12 tasjol áli de jabyq
NUR-SULTAN. QazAqparat – Aýa raıynyń qolaısyzdyǵy saldarynan elimizdiń 4 óńirinde 12 jol ýchaskesi jabyq tur, dep habarlaıdy QazAqparat tilshisi «QazAvtoJol» ulttyq kompanııasynyń baspasóz qyzmetine silteme jasap.
Aıtap aıtqanda, Aqmola, ShQO, Qaraǵandy jáne Qostanaı oblysynda birqatar jol ýchaskesi áli de jabyq.
«Aýa-raıy áli de qolaısyz. Turǵyndardy alys jolǵa shyqpaýǵa shaqyramyz. Aýa-raıy boljamyn jiti qadaǵalap otyrý kerek. Al eger avtokólik ıegeri qar qursaýynda qalyp qoıyp jatsa, onda táýlik boıy jumys isteıtin 1403 nómirine habarlasý qajet ekenin eske salamyz», - dep habarlaıdy atalǵan vedomstvodan.
Habarlamada aıtylǵandaı, qazir elimiz boıynsha jol qozǵalysyn qalpyna keltirý úshin 1100 qyzmetker men 650 birlik arnaıy tehnıka jumyldyryldy.
«Aldaǵy kúnderi de jol qyzmetteri kúsheıtilgen rejımde jumys istep, avtojoldar ahýalyn qadaǵalaıdy», - delingen málimette.
Osy oraıda QazAvtoJol ulttyq kompanııasy jabyq turǵan jol ýchaskeleri týraly aqparatty osy silteme arqyly baqylaýǵa bolatynyn eske salady.
