Qazaqstannyń 4 oblysyndaǵy joldarda kólik qozǵalysy shekteldi

NUR-SULTAN. QazAqparat – Aýa raıynyń buzylýyna baılanysty Aqtóbe, Batys Qazaqstan, Soltústik Qazaqstan, Qostanaı oblystaryndaǵy joldarda barlyq kólik túrlerine qozǵalys shekteldi, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap.

9 naýryz kúni saǵat 20:30-dan bastap, aýa raıynyń buzylýyna baılanysty (burqasyn, kóktaıǵaq, jol kórinisiniń qıyndyǵy) «Samara-Shymkent» tasjolynyń 526-618 shaqyrymynda, naqtyraq aıtqanda BQO shekarasy men Qobda aýylynyń aralyǵynda barlyq kólik túrleriniń júrýine tyıym salynǵan.

Saǵat 21:55-te Batys Qazaqstan oblysynda aýa raıynyń buzylýyna baılanysty (burqasyn, jol kórinisiniń qıyndyǵy, kóktaıǵaq) «Samara-Shymkent» tasjolynyń 394-526 shaqyrymy, Aqtóbe oblysynyń shekarasy men Jympıty aýylynyń arasynda barlyq kólik túrlerine júrýge bolmaıdy.

Saǵat 22:00-de Soltústik Qazaqstan oblysynda aýa raıynyń buzylýyna baılanysty (qar, burqasyn, joldyń kórinbeýi) barlyq kólik túrleriniń júrýine tyıym salyndy.

Atap aıtqanda:

1. «Jezqazǵan - Petropavl» 701-786 shaqyrymy, Novoıshımskoe aýyly men Sergeevka 2 qalasy.

2. «Mamlıýtka - Qostanaı» 103-180 shaqyrymy, Presnovka aýyly men Qostanaı oblysynyń shekarasy.

Saǵat 22:15-te Qostanaı oblysynda aýa raıynyń buzylýyna baılanysty SQO-da (burqasyn, jol kórinbeıdi) «Mamlıýtka - Kostanaı» trassasynyń 180-250 shaqyrymy, SQO shekarasy men Uzyn kól aýylynyń arasynda barlyq kólik túrleriniń júrýine tyıym salyndy.