Qazaqstannyń 4 oblysynda qar nemese jaýyn jaýady
ASTANA. QazAqparat - Aqmola, Pavlodar, Qaraǵandy jáne Shyǵys Qazaqstan oblystarynda 6-7 naýryzda qar nemese jaýyn jaýady, dep habarlaıdy «QazAqparat» HAA «Qazgıdromet» RMK-ge silteme jasap.
«6-7 naýryzda Aqmola, Pavlodar, Qaraǵandy, Shyǵys Qazaqstan oblystarynda jaýyn-shashyn (qar, jaýyn) kútiledi, 6 naýryzda keı jerlerde jaýyn-shashyn mólsheri kóp túsedi. Keı jerlerde kóktaıǵaq, burqasyn, tuman kútiledi. Ońtústik-batystan bastalyp soltústik-batys baǵytqa ózgeretin jeldiń jyldamdyǵy 15-20 m/s-ge jetip, keıde 23-28 m/s-ge údeıdi, 6 naýryzda kúndiz, 7 naýryzda táýlik boıy keı jerlerde 30 m/s jáne odan da ekpindi jel soǵady. Kúndiz aýa temperatýrasy 0-5 gradýsqa sheıin jylıdy, Shyǵys Qazaqstanda temperatýra 3-8-ge deıin kóteriledi», - delingen dabyldyq eskertýde.
Astanada 6-7 naýryzda jaýyn-shashyn (qar, jaýyn), kóktaıǵaq, burqasyn kútiledi, jeldiń jyldamdyǵy 15-20 m/s, 6 naýryzda kúndiz, 7 naýryzda túnde onyń ekpini 25 m/s-ge jetedi.
