Qazaqstannyń 4 oblysynda eskertý jarııalandy
ASTANA. QazAqparat - «Qazgıdromet» RMK Qazaqstannyń tórt oblysynda aýa raıyna baılanysty eskertý jarııalady, dep habarlaıdy QazAqparat tilshisi.
Aqmola oblysynda 8 tamyz kúni kúndiz keı jerlerde naızaǵaı oınaýy múmkin. Ońtústik-shyǵystan soqqan jel birte-birte ońtústik-batysqa qaraı yǵysady. Naızaǵaı kezinde jeldiń ekpini sekýndyna 15-20 metrge jetip, daýyl turýy yqtımal.
Atyraý oblysynda 8 tamyz kúni kúndiz keı jerlerde naızaǵaı jarqyldap, shańdy daýyl soǵady. Batys, ońtústik-batys jeldiń ekpini sekýndyna 15-20 metr aınalasynda bolady. Atyraýda naızaǵaı oınap, shyńdy daýyl kútiledi. Daýyl turý yqtımaldyǵy - 80-85 %.
Batys Qazaqstan oblysynda 8-9 tamyzda keı jerlerde batystan soqqan jeldiń ekpini sekýndyna 15-20 metrge jetedi dep kútilýde. Oralda 8-9 tamyz kúnderi batystan soqqan jeldiń ekpini sekýndyna 18 metrge deıin kúsheıedi dep boljanýda. Kúndiz keı jerlerde aýa temperatýrasy 37 gradýsqa deıin kóteriledi. Daýyl turý yqtımaldyǵy - 90-95 %.
Sondaı-aq, Qostanaı oblysynda 8 tamyz tańerteń jáne kúndiz keı jerlerde naızaǵaı oınap, batystan jyldamdyǵy sekýndyna 15-20 metrge jetetin jel soǵady. Kúndiz aýa temperatýrasy keı jerlerde 37 gradýsqa deıin ysıdy. Daýyl turý yqtımaldyǵy - 90-95 %.
