Qazaqstannyń 4 oblysynda aýa raıyna baılanysty eskertý jarııalandy
NUR-SULTAN. QazAqparat - «Qazgıdromet» RMK-sy Qazaqstannyń 4 oblysynda aýa raıyna baılanysty eskertý jarııalady, dep habarlaıdy QazAqparat.
Kásiporynnyń boljamyna qaraǵanda, 23 jeltoqsan kúni Soltústik Qazaqstan oblysynyń keı jerlerde tuman túsip, jaıaý burqasyn bolady. Ońtústik-batystan, batystan jel soǵyp, túnde keı jerlerde kúshi 15-20 m/s, kúndiz 15-20 m/s, ekpini 23-28 m/s bolady.
Petropavlda jaıaý burqasyn bolady. Ońtústik-batystan, batystan jel soǵyp, kúshi sekýndyna 15-20, kúndiz ekpini 25 metrge jetedi. Aýa raıy boljamynyń yqtımaldylyǵy 90-95%.
Batys Qazaqstan oblysynyń keı jerlerinde 23 jeltoqsanda tuman túsedi. Aýa raıy boljamynyń yqtımaldylyǵy 85-90%.
Aqmola oblysynyń keı jerlerde jaıaý burqasyn bolady. Ońtústik-batystan jel soǵyp, keı jerlerde kúshi 15-20 m/s-ke jetedi.
Kókshetaýda jaıaý burqasyn kútiledi, aýa raıy boljamynyń dáldigi 85-90%.
Túrkistan oblysynyń keı jerlerinde tuman túsip, kóktaıǵaq bolady.
Shymkentte túnde tuman túsedi. Aýa raıy boljamynyń dáldigi 90-95%.
