Qazaqstannyń 4 oblysynda 15 sanıtarlyq beket qoıylǵan
«Bas memlekettik sanıtarlyq dárigerlerdiń qaýlysyna sáıkes, elimiz boıynsha 15 sanıtarlyq (Almaty, Qostanaı, Aqtóbe, Atyraý oblystarynda) beketter qoıylǵan. Karantın talaptarynyń saqtalýyn qadaǵalaý jumysyna polıtsııa men Ulttyq ulannyń 10 myńnan astam qyzmetkeri jumyldyrylǵan. 290 karantın nysany baqylaýda», - dedi Erlan Turǵymbaev Úkimet otyrysynda.
Mınıstrdiń aıtýynsha, qazirgi ýaqytta áýe jáne temirjol vokzaldarynda jolaýshylar aǵyny 31 myń jáne 17 myń adamdy qurap otyr.
«Jolaýshylardyń eń úlken aǵyny Almaty men Nur-Sultan arasynda tirkelýde. Táýlik saıyn eki qala ortasynda ary-beri 10 myńǵa tarta adam júredi», - dedi Erlan Turǵymbaev.
Aıta keteıik, búgingi Úkimet otyrysynda Densaýlyq saqtaý mınıstri Alekseı Tsoı vaktsına 1 aqpannan bastap egiletinin jáne eń aldymen kimderge salynatynyn aıtqan bolatyn.