Qazaqstannyń 4 qalasynda beısenbi kúni aýa sapasy tómendeýi yqtımal
ASTANA. QazAqparat - 27 aqpanǵa arnalǵan meteorologııalyq jaǵdaılar Qazaqstannyń 4 qalasynda lastaýshy zattardyń shoǵyrlanýyna yqpal etedi, dep habarlaıdy QazAqparat «Qazgıdromet» RMK silteme jasaı otyryp.
Astana, Almaty, Aqtaý, Jańaózen, Balqash, Qaraǵandy, Temirtaý, Qostanaı, Qyzylorda, Aqsaı, Oral, Aqsý, Ekibastuz, Pavlodar, Petropavl, Taldyqorǵan, Taraz, Shymken qalalaryndaǵy meteojaǵdaılar atmosferadaǵy lastaýshy zattardyń seıilýine yqpal etedi.
Al Aqtóbe, Atyraý, Kókshetaý, Óskemen qalalaryndaǵy meteojaǵdaılar atmosferada lastaýshy zattardyń jınalýyna negiz bolady.
Aıta keteıik, 1 qańtardan bastap, Qazgıdromet saıtynda jaqyn kúnderge arnalǵan jaısyz meteorologııalyq jaǵdaılar (JMJ) týraly málimetter taralýda.
JMJ atmosferanyń jer betindegi qyrtysynda las zattardyń jınalýyna yqpal etetin qysqamerzimdi meteorologııalyq faktorlardyń (álsiz jel, tuman, ınversııa) jıyntyǵy. JMJ bolǵan jaǵdaılarda eldi mekenderdegi aýa sapasy tómendeýi yqtımal.
Aýanyń lastaný deńgeıin anyqtaıtyn mańyzdy faktorlardyń biri sınoptıkalyq jaǵdaıǵa jasalatyn boljam (jel, jaýyn-shashyn, qar, ylǵaldylyq, aýa temperatýrasy) bolyp tabylady.
