Qazaqstannyń 4 azamaty Qytaıda oryn alǵan jol apatynda zardap shekti
ASTANA. Tamyzdyń 23-i. QazAqparat /Marlan Jıembaı/ - Qazaqstannyń 4 azamaty Qytaıda oryn alǵan jol apatynda zardap shekti. Bul týraly búgin QR SІM-niń resmı ókili Asqar Ábdirahmanov málim etti.
«Qazaqstannyń Qytaıdaǵy Elshiliginiń aqparatyna sáıkes, tamyzdyń 20-sy kúni tańǵy saǵat 4-te Úrimshiden Sııanǵa ketip bara jatqan avtobýs Hamı qalasyna jetpeı jol-kólik apatyna ushyrady», dep atap ótken onyń aıtýynsha, avtobýsta 48 jolaýshy bolǵan. Onyń 19-y Sııan qalasynyń jáne Shenhı provıntsııasynyń túrli JOO-laryna oqýǵa bara jatqan Qazaqstan azamattary eken.
Apat saldarynan qazaqstandyq 4 azamat jaraqat aldy. Qazirgi ýaqytta olar túrli dene jaraqattarymen Hamı qalasyndaǵy aýrýhanaǵa jatqyzyldy, ómirlerine asa qaýipti qater tónip turǵan joq. Al Qazaqstannyń qalǵan azamattary jeńil jaraqat alyp, olarǵa alǵashqy medıtsınalyq kómek kórsetildi.
Resmı ókildiń atap ótýinshe, qazaqstandyq dıplomattar zardap shekken el azamattaryna qajetti kómek kórsetý úshin sharalar qabyldaýda.
