Qazaqstannyń 36 jeńil atleti Olımpıada joldamasy úshin synǵa túsedi

ASTANA. QazAqparat - Taıland astanasy Bangkok qalasy 2018 jylǵy jasóspirimder arasyndaǵy Olımpıada oıyndarynyń jeńil atletıkadan Azııa qurlyǵy boıynsha irikteý kezeńin qabyldaıdy, dep habarlaıdy QazAqparat tilshisi. 

QR Jeńil atletıka federatsııasynyń resmı saıty jarııalaǵan aqparatqa súıensek, Bangkoktaǵy irikteý kezeńinde 36 sport túri boıynsha joldama sarapqa salynady.

Jalpy, Azııa aımaǵyna 89 kvota bólingen. Onyń 57-si - uldarǵa, 32-si - qyzdarǵa. Argentınada árbir saıys túrinen bir elden bir sportshydan artyq qatysa almaıdy. Qazaqstan Taılandqa 36 atlet aparǵaly otyr (15 ul, 21 qyz). Olar - 11 oblys pen Astana jáne Almaty qalalarynyń sportshylary.

Jasóspirimder arasynda ótetin Olımpıada oıyndarynyń joldamasy sarapqa salynatyn atalmysh doda 4-5 shildege josparlanyp otyr. Al jalpy jasóspirimder arasyndaǵy Olımpıada oıyndary 6-18 qazanda Argentınanyń Beýnos-Aıres qalasynda ótedi. Olımpıada oıyndaryna 18 jasqa tolmaǵan sportshylar qatysady.