Qazaqstannyń 3 oblysynda oba oshaǵy tirkelgen
Bul týraly ortalyq kommýnıkatsııalar qyzmetinde ótken brıfıngte QR bas sanıtarııalyq dárigeri Jandarbek Bekshın aıtty.
«Qazaqstanda oba, týlıaremııa sııaqty asa qaýipti ınfektsııalardyń tabıǵı oshaqtary bar. Al Jambyl, Qyzylorda, Túrkistan oblystary men Shymkent qalasynda Kongo-Qyrym gemorragııalyq qyzbasy men búırek sındromdy gemorragııalyq qyzbasynyń oshaqtary anyqtaldy. Qazaqstannyń barlyq oblystarynda kúıdirgi, kene entsefalıti, qutyrý sııaqty qaýipti indetterdiń qolaısyz statsıonarlyq pýnkteri bar», - dedi bas sanıtar.
Brıfıng barysynda Jandarbek Bekshın ótken jyly Shyǵys Qazaqstan aýmaǵynan shyqqan sibir jarasynyń oshaǵyna qatysty málimet berdi.
«Rasymen de byltyr Shyǵys Qazaqstannyń Katonqaraǵaı aýdanynda sibir jarasynyń oshaǵy shyǵyp, bir adam kóz jumǵan bolatyn. Keıin aýrý burynǵy mal qorymynan shyqqany anyqtalǵan. Bıyl Shyǵys Qazaqstanda sibir jarasynyń qaýpi joq. Esesine Túrkistan oblysynda bir oshaq anyqtalyp otyr», - dedi ol.
Eske salsaq, Jandarbek Bekshın álemdegi qaýipti ári juqpaly aýrýlarǵa beıim elderdi ataǵan bolatyn.
Onyń aıtýynsha, shetelge saıahat kezinde teńiz taǵamdaryn baıqap tutyný qajet.
Ortalyq kommýnıkatsııalar qyzmetinde ótken brıfıng kezinde tropıkalyq elderde qaýipti aýrýdy masadan da juqtyrýǵa bolatynyn aıtylǵan bolatyn.