Qazaqstannyń 3 oblysynda kún sýytady - 26 qyrkúıekke arnalǵan aýa raıy boljamy
ASTANA. 25 qyrkúıek. QazAqparat - 26 qyrkúıekte atmosferalyq aǵymdardyń ótýine baılanysty respýblıkanyń batysynda aýa raıy turaqsyz bolady dep kútilýde, keı jerlerde jańbyr jaýyp, jel kúsheıedi.
Qazaqstannyń qalǵan aýmaqtarynda aýa raıy jaýyn-shashynsyz bolady, dep habarlady Qazgıdrometke silteme jasaı otyryp, QR TJM-niń baspasóz qyzmeti.
Batys Qazaqstan, Aqtóbe, Qostanaı, Soltústik Qazaqstan, túnde Ońtústik Qazaqstan, kúndiz Aqmola, Pavlodar, Qaraǵandy oblystarynda jekelegen jerlerde 15-22 m/s jyldamdyqpen jel soǵady.
Almaty oblysynda Alakól ózeniniń aýdanynda 17-22 m/s jyldamdyqpen jel soǵady, jeldiń ekpini 25 m/s-qa deıin jetedi.
Pavlodar, Qaraǵandy, Shyǵys Qazaqstan oblystarynda kún raıy keı jerlerde 0-3 gradýsqa deıin sýytady.
Respýblıkanyń ońtústik jáne ońtústik-shyǵysynda tótenshe joǵary órt qaýpi saqtalady.
Aldaǵy táýlikterde Qyzylorda oblysynyń aýmaǵyndaǵy Syrdarııa ózeninde Shardara sý qoımasynan bolatyn tolqyndardyń esebinen sý deńgeıiniń aýytqýshylyǵy baıqalady.
