Qazaqstannyń 3 oblysynda eskertý jarııalandy
ASTANA. QazAqparat - «Qazgıdromet» RMK elimizdiń 3 óńirinde aýa raıyna baılanysty eskertý jarııalandy, dep habarlaıdy QazAqparat.
Astana qalasy men Aqmola oblysynda 18-21 tamyz kúnderi nóser jańbyr jaýyp, naızaǵaı oınaıdy, kúshti daýyl turyp, burshaq jaýýy yqtımal.
«19-21 tamyzda Aqmola oblysynyń keı jerlerinde nóser jańbyr jaýyp, naızaǵaı oınaıdy, kúshti daýyldyń sońy burshaqqa ulasýy múmkin dep boljanýda. Soltústik-shyǵystan, soltústik baǵyttan ekpini 15-20 m/s jel soǵady, 20-21 tamyzda jeldiń ekpini 25 m/s jetedi.
Sondaı-aq, Astana qalasynda 21 tamyzda nóser jańbyr jaýyp, soltústikten baǵyttan ekpini 15-20 m/s jel turady. Al 19-21 tamyz kúnderi keı ýaqytta naızaǵaı, kúshti daýyl, burshaq bolýy yqtımal», dep kórsetilgen eskertý habarlamada.
Sonymen qatar, sınoptıkter 18-19 tamyzda Atyraýoblysynda keı jerlerde naızaǵaı, shańdy daýyl, daýyl, soltústikten, soltústik-shyǵystan soqqan jeldiń jyldamdyǵy 15-20 m/s kúsheıedi dep boljaıdy.
