Qazaqstannyń 3 oblysynda 47 adam qar qursaýynan qutqaryldy
26 aqpanda Aqmola oblysynda saǵat 18:29 Bogdanovka aýylynyń mańyndaǵy «Petropavl-Astana» tas jolynda júk kóligi 2 jolaýshysymen tehnıkalyq aqaýlyqqa baılanysty toqtap qaldy. Oblystyń TJD órt sóndirý qyzmetiniń kómegimen (3 adam men 1 tehnıka) jolaýshylar Qoǵam aýylyna jetkizildi. Japa shekkender joq.
Osy kúni saǵat 21:09 Qarajar aýylynyń janyndaǵy «Jolymbet-Prıgorodnoe» trassasynda 13 jolaýshysy bar 7 kólik qar qursaýynda qaldy. Oblystyń TJD órt sóndirý qyzmetiniń kómegimen (4 adam men 1 tehnıka) kólikter qary tazartylǵan jerge kóshirildi. Japa shekkender joq.
27 aqpanda saǵat 00:55 Sarykól aýyly mańaıyndaǵy «Astana-Jańǵyzqudyq» tas jolyndaǵy qalyń qardyń kesirinen jeńil kóliktiń rólin basqarǵan adam toqtap qaldy. QR TJM qurylymdarynyń kómegimen (2 adam jáne 1 tehnıka) júrgizýshi Sarykól aýylyna jetkizildi.
27 aqpanda saǵat 01:52 Shyǵys Qazaqstan oblysy Semeı qalasyndaǵy Muqyr aýdanynda 6 jolaýshysy bar «Aýdı-100» kóligi qar qursaýynda qaldy. Oblystyń TJD órt sóndirý qyzmetiniń kómegimen (3 adam men 1 tehnıka) saǵat 02:29 mashına trassadan shyǵaryldy. Japa shekkender joq.
26 aqpanda saǵat 12:30 Qyzylorda oblysynda ornalasqan «Qyzylorda-Jezqazǵan» tas jolynda 10 jeńil kólik (25 adam) qar qursaýynda qaldy. Oblystyń TJD órt sóndirý qyzmeti (9 adam men 2 tehnıka) temir tulparlar jolaýshylarymen birge qardan tazalanǵan aýmaqqa shyǵaryldy. Japa shekkender joq.
