Qazaqstannyń 3 munaı alpaýyty qansha ónim óndirdi

ASTANA. QazAqparat - Qazaqstannyń úsh iri jobasy - Qashaǵan, Teńiz, Qarashyǵanaqta munaı óndirý kólemi 32 mln tonnaǵa jýyqtady. Bul týraly Úkimet otyrysynda QR Energetıka mınıstri Qanat Bozymbaev aıtty, dep habarlaıdy QazAqparat.

«Bıylǵy jeti aıdyń ishinde otyn-energetıka salasynyń damýynda oń ózgerister bar. Munaı jáne kondensat óndirý kólemi 53 mln tonnany qurady. ıAǵnı, 2017 jyldyń sáıkes kezeńimen salystyrǵanda alty paıyzdan astam ósim baıqaldy. Onyń ishinde úsh iri joba boıynsha munaı óndirý kólemi 32 mln tonnaǵa jýyq. Qashaǵanda - 7,4 mln tonna, Teńizde - 17,2 mln tonna, al Qarashyǵanaqta 7,3 mln tonna munaı óndirildi», - dep toqtaldy mınıstr.

Onyń sózine qaraǵanda, munaı eksporty 42,8 mln tonna kóleminde bul byltyrǵy sáıkes kezeńge qaraǵanda, 6 paıyzǵa artyq.

«Munaı óńdeý kólemi 9,2 mln tonnany qurap, 4,5 paıyzǵa ósti. Úsh munaı óńdeý zaýyty 6,4 mln tonna kóleminde munaı ónimderin shyǵardy, bul ótken jyldyń sáıkes kezeńimen salystyrǵanda 1,3 paıyzǵa joǵary», - dep naqtylady Bozymbaev.