Qazaqstannyń 3 qalasynda 5G qashan qosylatyny belgili boldy

NUR-SULTAN. QazAqparat – Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın 5G jelisi elimizdiń iri úsh qalasynda qashan qosylatynyn aıtty, dep habarlaıdy QazAqparat tilshisi.

«5G uıaly baılanys standartyn engizý boıynsha Nur-Sultan, Almaty jáne Shymkent qalalarynda 11 testik synaq júrgizildi. Kerekti jıilik dıapazondaryn bosattyq. Ary qaraı operatorlarǵa taratý mehanızmi qarastyrylady. Sonymen Nur-Sultan, Almaty, Shymkent qalalarynda 5G jelileri 2022 jyly iske qosylady. Al oblystyq ortalyqtarda 2025 jylǵa deıin josparlanyp otyr», - dedi Baǵdat Mýsın Úkimet otyrysynda.

Eske sala ketsek búgingi Úkimet otyrysynda Premer-Mınıstr Asqar Mamın jyl sońyna deıin aýyl halqynyń 99%-na keń jolaqty ınternet qoljetimdi bolatynyn málim etken edi.